هيا بنا نتعلم صيانة اللوحه الام من الالف إلي الياء - 1

بسم الله الرحمن الرحيم

والصلاة والسلام علي افضل خلق الله اجمعين

فى البداية اخوتى في الله احب اعرفكم انى لست بمحترف صيانة ولاكنى مثلكم طالب علم فان كان هناك اى خطاء في كلامى ووجدت من يصححه لي سوف اكون اسعد انسان

استعنا بالله
جميع الحقوق غير محفوظه . من اراد ان ينقل فلينقل على بركه الله سواء بذكر المصدر او بدون ذكره ... ابوعبده

هيا بنا نتعلم صيانة اللوحه الام من الالف إلي الياء - 1 01

هيا بنا نتعلم صيانة اللوحه الام من الالف إلي الياء - 1 01

ضربة البداية ........

اولا العناصر الموجوده على اللوحه الام غير المكونات!!! حد هايقولى يعنى ايه ؟

العناصر : هى عناصر الكترونيه وظيفتها على اللوحه الام ربط المكونات ببعضها البعض

المكونات : المكونات بقى زى الرام والبروسيسور وكرت الشاشه مثلا

طبعا المفروض ان كلنا نعرف المكونات واشكالها . يعنى موش معقول حتى الان يكون بينا حد ما يعرفش شكل البروسيسور اللى هو cpu

وموش معقول كمان يكون بينا حد ما يعرفش شكل الرام R A M

طبعا انا هاعتبر ان الموضوع بتاعى موجه لاخوانى اللى عندهم استعدام يفتحوا الجهاز من الداخل ويرفعوا الرام ويركبوا غيرها لو الجهاز ما فتحش معاهم

او يرفعوا كارت الشاشه وينضفوه ويقوموا باعادة تركيبه من جديد

باختصار الموضوع متقدم بعض الشىء

طيب يلا نبدء

ان شاء الله هانبدء بتعريف كل العناصر الالكترونيه الموجوده على اللوحه الام ونعرف ازاى نقوم بقياسها بجهاز الملتيميتر او الافوميتر

طيب ناقص حاجه!! حد هايقولى انا محتاج ادوات او (عدة شغل) بالمصرى

اقوله ادواتك فى البدايه هاتكون بسيطه جدا. يكفيك مازربورد او اثنين بايظين لكى تتدرب عليهم(( بنسميهم بورد تقطيع ))

وتحتاج ايضا جهاز ملتيميتر رقمى ( دجيتال) ثمنه 15 جنيه مصرى ومتوفر عند كل بائعى الالكترونيات وهنا اغلى طبعا بس خليك ابدء بالرخيص

وهاتحتاج كمان كاويه عاديه وثمنها حوالى 7 جنيه مصرى

وهاتحتاج كمان جهاز هوت إير (( دا بيخرج هواء ساخن علشان نفك بيه المكونات الاليكترونيه من على المازربورد) وده ممكن ما نحتاجوش دلوقتى خالص. لاننا محتاجين حوالى شهرين مع بعض لحد مانعرف كل اشكال العناصر وطرق قياسها وبدائلها

طيب نبدء بقى ؟؟؟ ولا ايه

نبدء على بركه الله

العناصر الموجوده على اللوحه الام 13 عنصر وان شاء الله ساقوم بشرحهم وشرح وظائفهم واحد واحد

1_ المكثف capacitor الجزء الاول ... الجزء الثانى

2_ المقاومه resestor

3_ الملف COIL

4_ ترانزيستور موسفيت mosfet الجزء الاول .. الجزء الثاني

5_ المذبذب Oscillator .. مقدمة ..الجزء الاول

6_ الدوائر المطبوعه printed circuit

7_ المكثف المعدنى metal cabasetor

8_ الشيب chip

9_ ايسيهات I.C

10_ البايوس BIOS

11_ الكاش CASH

12_ زينر دايود ZENER DIODE

13_ الترانزيستور TRANSISTOR

ما سبق كان اهم العناصر الالكترونية على اللوحه الام

وان شاء الله جارى وضع صوره لكل عنصر تحت اسمه

هذا ماعندى وان كان خطاء اتمنى ان اجد من يصحح لى

يتبع ان شاء الله

معقدة جداً llml

» كل ما تريد معرفتة عن صيانة المازبورد Motherboard